Во САД има над 15 илјади дебарчани

Во САД денеска живеат над 15 илјади дебарчани и добар дел од нив се заинтересирани да инвестираат во родниот крај. Според претседателот на татковинското здружение на дебарчани во Америка „Дибра“, Дашнор Мифтари, првите помасовни иселувања на дебарчани во Америка се регистрирани во 6о-тите години, а иселчувањето продолжува и денес.
Мифтари за „Макфакс“ изјави дека во Дебар има неколку инвестиции на иселениците, но додаде дека ако состојбите во Македонија се постабилни верува дека видно ќе се зголемат инвестициите со што ке се намали и невработеноста на младите во Дебар но исто така и не ќе има потреба за иселување на истите надвор од родниот крај. На средбите на здружението во Њујорк , се најавува голем интерес за инвестирање во Дебар.
„Ако се согледаат бројките на иселениците од Дебар во Америка тогаш станува јасно дека еден друг Дебар има во Америка“, рече Мифтари кој објасни дека соработката со локалната власт во Дебар е на високо ниво, а иселениците даваат и голем прилог во однос на организирање на хуманитарни акции и матријална подршка на населението во родниот крај.
Здружението на иселениците и општината Дебар имаа и заеднички проекти, а подршката за проекти од општ интерес ќе продолжи и во наредниот период. Инаку дебарските иселеници во САД во најголем број ги има во Стејт Исланд, Њујорк, Аризона и во други американски држави. /К.М.