МВР излезе со важна вест за возачите

По повод верскиот празник Задушница денеска како и во деновите од викендот (25/26 и 27.05) во периодот од 06 до 16 часот на гробиштата во Бутел, во Камник и во Ѓорче Петров каде се очекува зголемен интензитет на сообраќајот, од страна на сообраќајната полиција ќе бидат превземени посебни мерки за безбедно и непречено одвивање на сообраќајот во посочените реони, информира МВР.

Сообраќајот ќе се одвива во една насока (кружно) односно сите возила ќе се упатуваат по улица Александар Урдаревски во продолжение по локален пат за село Мирковци до влезот за гробиштата на улица Боца Иванова и излегување на улица Александар Урдаревски.

По потреба сообраќајот ќе биде пренасочен и на гробишта Ѓорче Петров по улица Црногорска, а на гробишта Камник по улица Јужноморавски Бригади и улица Роман Каскалиевиќ.

МВР апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи, како и сообраќајната регулатива за променетиот режим на сообраќај.